ناصر المجماج
19-01-2006, 05:01 AM
هذه إحدى روائع الشعر
للشاعر المعروف ابراهيم بن مزيد غفر الله له
وهو شاعر توفي قبل عدة سنوات
شاعر اشتهر بالطيب والكرم الذي لايجارى
لم يقفل باب مجلسة يوما واحدا سواء مجلس الرياض أو الطائف
توفي بعد أن أقعد سنوات عديدة
ولايزالون ابناؤه محتفظين بكرمهم الموروث عن والدهم
ولم يقفل باب مجلس والدهم إلى الآن
وهو صديق حميم لعبدالله اللويحان العنقري التميمي (اللوح)
ومن روائع شعره هذه الصخريه المشهورة
لقيت النـاس مامنهـم سلامـه=لـزومٍ يلحقـك منهـم ملامـه
ولاتحسب حلالـك ؛ لوتبيـده=يبي يحماك من هـرج الفدامـه
بذرت الجود في من لاجزانـي=سوى ذمٍ إلـى هبـت ولامـه
حقـود القلـب نقـال الوشايـا=هذور سهمتـه نقـل النمامـه
إلى منه طرى له ماطرى لـه=تكلـم مايثمـن وش كـلامـه
يقوله يزعـم إنـه مـازحٍ بـه=وهو ينقض ويفتل في عدامـه
دخيل الله من خطـو السملـق=إلى بالهيـذوان أطلـق لجامـه
ألا ياليت ربـي يـوم سـوى=عبيـده حـط للطيِّـب علامـه
على شان الذي بالناس جاهـل=يعرف الحر من برق الجهامـه
لجل بالنـاس شيطـانٍ ملبَّـس=ولو يلوي على راسـه عمامـه
يغـرك بالسـلام وبالتحـفـي=وهو شيحٍ وجثجـاثٍ طمامـه
مثل هـذا: تحـذر منـه جـدا=ولا تدني منامـك مـن منامـه
وبعض الناس في ممشاه رافض=يختل الناس في قـل اهتمامـه
يحنـي لحيتـه كنـه مطـوع=ولايفرق حلاله مـن حرامـه
حذارك لاتحطـه لـه ظنينـه=ترى ذاك الطمع منه السلامـه
وبعض الناس يبدي لك نصيحه=ولكـن ماتعرفـه وش مرامـه
وهو ما مقصده نصحٍ ؛ ولكـن=يبي يلبسـك للحاجـة خطامـه
وإلى منه قضى بـك مايريـده=أخذ سدك وضربـك المهامـه
وبعض الناس يوريك المحبـه=وارق من البريسم فـي تمامـه
إلـى قـام يتمسكـن بالتلفـظ=تقول أطهر وأصح من الحمامه
وهو بولة حمارٍ -عـزك الله-=ينجس من مشى حوله رشامـه
وبعض الناس محمود السجايـا=رقى العليا بعزمـه والتزامـه
إلى منه بـدى لـك فيـه لازم=قضى لازمك ماثمـن حطامـه
كما إنه وافيٍ في كـل خصلـه=عريب الجـد خيلانـه عمامـه
أسـال الله يرفـع كـل خيِّـر=عن الخـذلان لايهفـي مقامـه
قضا نحبي ومالاق بضميـري=حلات القيـل مبداتـه ختامـه
أقول الناس مشكاهم علـى الله=لـزومٍ يلحقـك منهـم ملامـه
للشاعر المعروف ابراهيم بن مزيد غفر الله له
وهو شاعر توفي قبل عدة سنوات
شاعر اشتهر بالطيب والكرم الذي لايجارى
لم يقفل باب مجلسة يوما واحدا سواء مجلس الرياض أو الطائف
توفي بعد أن أقعد سنوات عديدة
ولايزالون ابناؤه محتفظين بكرمهم الموروث عن والدهم
ولم يقفل باب مجلس والدهم إلى الآن
وهو صديق حميم لعبدالله اللويحان العنقري التميمي (اللوح)
ومن روائع شعره هذه الصخريه المشهورة
لقيت النـاس مامنهـم سلامـه=لـزومٍ يلحقـك منهـم ملامـه
ولاتحسب حلالـك ؛ لوتبيـده=يبي يحماك من هـرج الفدامـه
بذرت الجود في من لاجزانـي=سوى ذمٍ إلـى هبـت ولامـه
حقـود القلـب نقـال الوشايـا=هذور سهمتـه نقـل النمامـه
إلى منه طرى له ماطرى لـه=تكلـم مايثمـن وش كـلامـه
يقوله يزعـم إنـه مـازحٍ بـه=وهو ينقض ويفتل في عدامـه
دخيل الله من خطـو السملـق=إلى بالهيـذوان أطلـق لجامـه
ألا ياليت ربـي يـوم سـوى=عبيـده حـط للطيِّـب علامـه
على شان الذي بالناس جاهـل=يعرف الحر من برق الجهامـه
لجل بالنـاس شيطـانٍ ملبَّـس=ولو يلوي على راسـه عمامـه
يغـرك بالسـلام وبالتحـفـي=وهو شيحٍ وجثجـاثٍ طمامـه
مثل هـذا: تحـذر منـه جـدا=ولا تدني منامـك مـن منامـه
وبعض الناس في ممشاه رافض=يختل الناس في قـل اهتمامـه
يحنـي لحيتـه كنـه مطـوع=ولايفرق حلاله مـن حرامـه
حذارك لاتحطـه لـه ظنينـه=ترى ذاك الطمع منه السلامـه
وبعض الناس يبدي لك نصيحه=ولكـن ماتعرفـه وش مرامـه
وهو ما مقصده نصحٍ ؛ ولكـن=يبي يلبسـك للحاجـة خطامـه
وإلى منه قضى بـك مايريـده=أخذ سدك وضربـك المهامـه
وبعض الناس يوريك المحبـه=وارق من البريسم فـي تمامـه
إلـى قـام يتمسكـن بالتلفـظ=تقول أطهر وأصح من الحمامه
وهو بولة حمارٍ -عـزك الله-=ينجس من مشى حوله رشامـه
وبعض الناس محمود السجايـا=رقى العليا بعزمـه والتزامـه
إلى منه بـدى لـك فيـه لازم=قضى لازمك ماثمـن حطامـه
كما إنه وافيٍ في كـل خصلـه=عريب الجـد خيلانـه عمامـه
أسـال الله يرفـع كـل خيِّـر=عن الخـذلان لايهفـي مقامـه
قضا نحبي ومالاق بضميـري=حلات القيـل مبداتـه ختامـه
أقول الناس مشكاهم علـى الله=لـزومٍ يلحقـك منهـم ملامـه