تركى
24-01-2006, 12:18 PM
حكى لي الشيخ مهل بن فريح العنزي رحمه الله وقد تطارينا شليويح العطاوي نوبة من النوبات وأطلنا الحديث عنه من زواج ابوه بأمه إلى مغازيه وعز ذوي عطيه على يديه ومما دار من حديث معه رحمه الله قال لي هذه القصه الرائعه التي تنم عن ذكاء شليويح وفطنته يقول أبو فهد رحمه الله :ـ
أن شليويح العطاوي رحمه الله ذهب هو وبعض شيوخ قبيلة عتيبة ، زمدوخ وبن صلال والجلاوي ، كلهم لأحد الشيوخ أيضا ومن نفس القبيلة لخطبة إبنته أو بالأحرى انهم اجتمعوا عنده بالصدفة وكلهم يقصد الخطبة ( قال صبه قال احقنه وش لكم بطوالتها ) ...
شليويح بيعرف بنفسه عند البنت ....
يوم ابوها قام يصب القهوة للضيوف قال شليويح هالبيوتات :ـ
يامسوي الفنجال خز زمدوخ=واثنه لبن صلال والجلاوي
وأنا زبون الحرد أبو ضيف الله=إن قصر الشارب عن الشفاوي
أنا أحمد الله يوم أنا من لابه=ماهمب قصار البتوع شواوي
يفهم من القصيدة ان ترتيب الضيوف كان زمدوخ ثم بن صلال ثم الجلاوي ثم شليويح يعني هو اقرب واحد للشق ...
قال المضيف لضيوفه وش حاجتكم قالوا خطاب ونبي بنتك ..
الضيوف عند مضيفهم مثل الواحد كلهم شيوخ ويملون العين ويعجبون أي واحد بيزوج بنته ...
ولكن خروجا من الإحراج قال بسئلها ولا انتم كلكم واحد عندي ...
صوت للبنت وقال :ـ
يابنت هالشيوخ كلهم يبيك وش رايك ..
عاد البنت بيني وبينكم تبي شليويح لأنه يمكن اصغرهم أو لأنه اطيبهم عندها ـ المهم ـ قالت يابوي كلهم شيوخ عطني أقربهم لي ما يصير اتعداه لغيره ...
تزوجها شليويح وسلامتكم ...
أن شليويح العطاوي رحمه الله ذهب هو وبعض شيوخ قبيلة عتيبة ، زمدوخ وبن صلال والجلاوي ، كلهم لأحد الشيوخ أيضا ومن نفس القبيلة لخطبة إبنته أو بالأحرى انهم اجتمعوا عنده بالصدفة وكلهم يقصد الخطبة ( قال صبه قال احقنه وش لكم بطوالتها ) ...
شليويح بيعرف بنفسه عند البنت ....
يوم ابوها قام يصب القهوة للضيوف قال شليويح هالبيوتات :ـ
يامسوي الفنجال خز زمدوخ=واثنه لبن صلال والجلاوي
وأنا زبون الحرد أبو ضيف الله=إن قصر الشارب عن الشفاوي
أنا أحمد الله يوم أنا من لابه=ماهمب قصار البتوع شواوي
يفهم من القصيدة ان ترتيب الضيوف كان زمدوخ ثم بن صلال ثم الجلاوي ثم شليويح يعني هو اقرب واحد للشق ...
قال المضيف لضيوفه وش حاجتكم قالوا خطاب ونبي بنتك ..
الضيوف عند مضيفهم مثل الواحد كلهم شيوخ ويملون العين ويعجبون أي واحد بيزوج بنته ...
ولكن خروجا من الإحراج قال بسئلها ولا انتم كلكم واحد عندي ...
صوت للبنت وقال :ـ
يابنت هالشيوخ كلهم يبيك وش رايك ..
عاد البنت بيني وبينكم تبي شليويح لأنه يمكن اصغرهم أو لأنه اطيبهم عندها ـ المهم ـ قالت يابوي كلهم شيوخ عطني أقربهم لي ما يصير اتعداه لغيره ...
تزوجها شليويح وسلامتكم ...