المساعد الشخصي الرقمي

مشاهدة النسخة كاملة : محاورة بين سلطان الهاجري وضيدان بن قضعان ...


تركى
13-01-2006, 01:08 AM
سلطان:


قوم ياصاحبي ضيدان جر اللحون=واعتبر كل واحد نجدته من يــــده
تحسبنك علي في كل ساعة تمون=لين شفت السماءبرقه يدف رعده

ضيدان:


منتك في الشحم والآعلى المكرفون=من عميلٍ ليا واعد يجي فوعده
آل عرجامن ادنى شي مـــايزعــلون=ميرلاازعلتهم ظفرين ومـــقرده

سلطان:


آل عـرجا كـفـو لـكن لا يـبـلشـــون =بحـرنا لالتطـم موجه يعوم زبده
مير بلـغ قبايـل يـام ولاتـهــــــــون=راح بوش الابو والطق عند ولده

ضيدان:


بعد دار الهوى الغربي وادرنا العيون=كل مازال عيد يجيك عيد بعده
ياوساع الصدور وياكبار البطـــون=علموا حلف اوسلولا يجيب جهده

سلطان:


كثرت انعام ربي وامتلن الصحون=ارفع ايدك لوجهه واشكره واحمده
ناس ماياكلون وناس مايشبعـــون=وناس عن طرقة الساس ماتنشده

ضيدان:


شــدد الحـرف والآسكنه بالسكون=التــلامـيــذ يـاسـلـطـان مـتـعـــوده
مثل ماعاشت الجما مع ام القرون=شطر بيتٍ ماعيـده لو تقولي عده

سلطان:


قلت ابا اسألك والجمهور لا يسمعون=قال خل السؤال شي على حده
لاتضيع العلوم ولاتخيــــب الظـنــون=من هو اللي يحر البحر ويبرده

ضيدان:


اتصل بي بعد بكره على التـيـلفــون=وخـذ منـا بـال الجـيـده جـيـــــده
ياهـواجـر تـرى لاهـم ولايحـزنــــون=ابن وسام يقصد شي مانقصــده

تميم قطر
13-01-2006, 01:53 AM
تسلم يا تركي .. بس كثير من هذه المحاورات تنتهي بضرب وشتم .. يالله بالعقل

ولد العبادل
13-01-2006, 02:47 PM
سلمت على النقل الراااااائع


محااوره ماتعه


تحيتي
أبوو نااايف

تركى
13-01-2006, 02:52 PM
تسلم يا تركي .. بس كثير من هذه المحاورات تنتهي بضرب وشتم .. يالله بالعقل


لكن هالشعراء الكبار

لا يحصل بينهم ما يحصل من مهاترات بين الشعراء الصغار


سلطان وضيدان على مستوى الساحة الشعبية لهم حضور يخلي الواحد منهم يفكر خمسين الف مره قبل يسيء لنفسه امام جمهوره ...

تحياتي يابو محمد ..

تركى
13-01-2006, 02:53 PM
سلمت على النقل الراااااائع


محااوره ماتعه


تحيتي
أبوو نااايف


تكتمل المتعة في تجلي حضورك يالغلا ...

تحياتي ...

زيد آل مشاري
13-01-2006, 07:53 PM
لاهنت يابن عمي

محاوره كبيره وممتعه

لك تحيتي.

تركى
13-01-2006, 10:20 PM
لاهنت يابن عمي

محاوره كبيره وممتعه

لك تحيتي.


ولا انت يالقرم

تسلم على المرور العذب يابن مشاري ...

ناصر المجماج
18-01-2006, 03:33 AM
الله عليك ياتركي


















وسلطان الهاجري أحد أكبر زعماء الرد في وقتنا الحاضر















وكل محاوراته قوية

تركى
20-01-2006, 09:59 PM
الله عليك ياتركي


















وسلطان الهاجري أحد أكبر زعماء الرد في وقتنا الحاضر















وكل محاوراته قوية



صدقت يابو فهد


وشاعر نظم من الطراز الأول


اتوقع ان ضيدان يضيع معه

ودي وتقديري ياغلاي ...

يزيد النمي
20-01-2006, 11:59 PM
تسلم ياتركي

محاورة جميلة بين شعراء كبار

تركى
21-01-2006, 12:04 AM
تسلم ياتركي

محاورة جميلة بين شعراء كبار


الجمال في تجلي حضورك يابعدي ..

تركى
22-01-2006, 04:01 PM
ألا تلاحظون أن المحاورة إضاعة للجهد والوقت لأنها تنتهي بوقتها؟


جدا عزيزي ولا تخلد الشاعر


وليست في البقاء كالنظم ...

صدام المزروع
24-05-2006, 09:00 AM
محاوره رائعه بس لو كاتن صوتيه

تسلم يا تركي

عبدالله
24-05-2006, 06:16 PM
بيض الله وجهك ابو عبدالعزيز على المحاوره الرائعه بارك الله فيك

تركى
25-06-2006, 08:55 PM
محاوره رائعه بس لو كاتن صوتيه

تسلم يا تركي


لو حصلت ابشر بالسعد يابواحمد

تركى
25-06-2006, 08:56 PM
بيض الله وجهك ابو عبدالعزيز على المحاوره الرائعه بارك الله فيك


ووجهك يابو سليمان

حياك يالغالي