للعشاق من الشعراء .. أكمل البيت !!

[رمـــــان]

بيت من قصيدة يقال أنها للشاعر : فهيد المجماج
فمن يعرف تكملة هذا البيت فليخبر من ينطبق عليه هذا البيت !!
7
7
7
7
7




حبه يخج القلب مايوجع اوجاع = لا شك قلبي مودعه بيت نمله

[تركى]

http://www.bnitamem.com/vb/showthread.php?t=140

هلا يارمان

هالرابط يفيدك عن القصيدة ...

[ولد العبادل]

ماقصر أخوي تركي عطاك الرابط والقصيده موجوده



ودايم لنا مع المطلوب بحث



العبدلي ~~~

[يزيد النمي]

:D فمن يعرف تكملة هذا البيت فليخبر من ينطبق عليه هذا البيت !!



رمان ياعزي لحالك = يومك من الحب مرضاني
البيت كنه من اقوالك = حيثك مولع وولهاني

[تركى]

راع الهوى ينبز بهالك=سيب الهوى لو علشاني
ترا المحبه إلى هبالك=تسوق قلب اللي عشقاني


بن نمي

تبي تقلبها رديه استلم ...

[يزيد النمي]

رمان طع شورنا اشوالك = لا تتبع افلان وافلاني
وان قلت ابا اهوى ترى اردالك = راع الهوى دوم شقياني

[تركى]

يزيد ينصح وهو عالك=علك الهوى وسط الأسناني
يجيك خلك ويشتالك=تترك نصايحك وتنساني

[يزيد النمي]

طيب طيب


ان جا تركناك بلحالك = وتهش ما غير ذباني
بالعون ما هو من امثالك = ما يشبه الزين من شاني

[تركى]

الظاهر الصد يزهالك=وبيت القطاعه لكم باني
يبغى لك إصلاح لأعطالك=ترجع بعدها لنا انساني

[السرمديه]

ياشباب تميم حنو على ...رمان

ذايق شقى الدنيا ولدنا ...وتعبان

خلو نصايحكم لعلتان ....وافلان ..

والاالعقل والرزانه كلها وصف ....لرمان

السرمديه

[يزيد النمي]

:D
بالك تفكر تسذا بالك = ما دام لعبك بميداني
تركي تلحف ترى ادفالك = لا يلفحك برد وتعاني

[تركى]

البرد قطع لك وصالك=صاير تهذري وتبلاني
ما ينفعك لفتك شالك=هيا مشينا لصمعاني

[يزيد النمي]

ابليس وسوس وسوالك = واصبحت مجرم وشراني
ترمي بلاويك واعمالك = واشوفها ما تعداني

[تركى]

ياخوفي قولك وأفعالك=صارت على مذهب ثاني
يوم أن قلبك تهقوى لك=بالمنقصة صرت تنصاني

[يزيد النمي]

تسلم تسلم ياتركي

وبيض الله وجهك

اسعدتني كثيرا بهذه المحاورة

الف شكر يالغالي

نراك قريبا في محاورة مقننة اكثر من هذي

لاهنت يابعدي لاهنت

[تركى]

نتشرف يابو عبدالله


اي وقت بس شاور لي وانا بجيك ..

[علي آل عبدالله]

الله الله

مشاء الله

محاورهـ رائعه

لاهنت يايزيد وانجم تركي

[ولد العبادل]

:D مالي بالشعر ياعيال العم :D



رمان خذ نصيحه من اخوانك=ماجاك ترا جاهم وجاني
نصايحنا خذها على بالك=وبلغها للقاصي والداني


العبدلي~~~

[المايجور]

تركي ويزيد
والعبدلي بس تاخرت
عزالله ماقصرتو محاورة جميلة جدا منكما
وان شاالله قريب نشوف لكما
موضوع محاورة مستقل
دمتم

[ناصر المجماج]

الربع قالبينها محاورة

[رمـــــان]

ألف ألف شكر لكم
سواء من أفادني بالقصيده أو من شارك بالمحاورة الأكثر من رائعه
أو من دافع عني ...!!
ولكل من مر من هنا وافر الشكر